سعر ومواصفات poco m3 | مراجعه كامله عن موبايل poco m3

قدمت شركة شاومي في بداية عام 2021 هاتفها الجديد من فئة poco الذي أحدث ضجه كبيره في الفئه الإقتصاديه لأنه يحتوي علي الكثير من الميزات التي تميزه عن باقي  الموبايلات في نفس الفئه وهذا الهاتف هو poco m3

هيا بنا نتعرف علي عيوب ومميزات هذا الهاتف من حيث التصميم والشاشه والكاميرا والسماعات وكل ما يخص الهاتف وأيضا الموبايلات البديله له في نفس الفئه 

وهل poco m3 أفضل هاتف في الفئه الإقتصاديه؟!

تصميم موبايل poco m3

 تصميم poco m3 جيد بالنسبه للفئه الإقتصاديه يأتي الهاتف مصنوع من البلاستيك ولكن يعطي شكل جيد وأنه من يراه يظن أنه موبايل غالي وأنه يأتي بطبقه تغطي البلاستيك قريبه في الملمس من الجلد ويأتي أيضا بنقشه في الظهر لكي تمنع خربشة الهاتف وأن التصميم ده انفردت به شركة poco  بسبب شكله وملمسه الغريب والموبايل يأتي بمستطيل موجود فيها كلمة poco ومكتوبه بخط كبير كنوع من الدعايه ومعطيه للهاتف شكل لطيف ورصة الكاميرات الموجوده داخل المستطيل بجوار الكلمه أيضا شكلها جيد وجديده نوعا ما وتأتي الكاميرات ببروز صغيره التي تعد غير موجوده عشان الناس اللي بتخاف من البروز وأن بيدخل تراب كتير يأتي مع الموبايل جراب الجراب ماسك الموبايل كويس جدا ومستحيل الموبايل يطلع لوحده من الجراب وبأنه بيمحي البروز القليل في الكاميرات ووزن الهاتف تقيل نسبيا 198g بس لما تمسك الموبايل بإيدك مش هتحس بأي ثقل وبييجي بعرض 9.8m وده بسبب البطاريه العملاقه اللي بتيجي مع الموبايل وبيميز شركة poco وبأنها الشركه الوحيده في الفئه الإقتصاديه التي قامت بهذا التصميم  لكي تجذب المستخدمين لها . 

الشاشه في موبايل poco m3

يأتي الموبايل مع شاشه بحجم 6.53 بوصه IPS LCD بدقة FHD+وتأتي الكاميرا الأماميه بنوتش في الشاشه والشاشه دي مشابهه تماما لشاشة redmi 9 بنفس المميزات والعيوب وبيميز الشاشه الدقه الممتازه وهتديك كثافة بيكسيلات كبيره جدا.

نروح لعيوب الشاشه سطوع الشاشه ضعيف جدا بالنسبه لباقي موبايلات الفئه المتوسطه وتحت الشمس هتضايقك الإضاءه شويه نفس شاشة redmi 9 والحواف مش أحسن حاجه زي باقي موبايلات الفئه الإقتصاديه وبالنسبه لألوان الشاشه وزوايا الرؤيه فالشاشه هتأدي معاك الغرض وهي كويسه نسبيا ويأتي مع الموبايل سكرينه corning Gorilla Glass الجيل التالت.

الأداء

يأتي الهاتف بمعالج كوالكم سناب دراجون 662 تكنولوجيا 11 نانو ولكن هذا المعالج غير جيد بالنسبه لباقي المعالجات في نفس الفئه لأن كل همه هو توفير الطاقه لبقاء الهاتف يعمل لأكثر مده ممكنه ولو هنقارنه بموبايل redmi 9 الذي يأتي بمعالج helio g80 بالتإكيد الg80 في redmi 9 يكسب وبجداره لأنه أنشط من معالج موبايل poco m3 ولو إنت جربت موبايلات أفضل من الموبايل ده أداء موبايل poco m3 مش هيعجبك فلازم تكون انت كان معاك تليفون قديم عشان متضايقش من الموبايل بس في تحديث جديد وصل للموبايل عشان يحل المشاكل فالتحديث هيحسن الإستخدام شويه بس مازلت هتحس ببعض البطأ بس الصراحه كان متوقع أكتر من كدا من شاومي مع إن الموبايل حديث ولكن ما زال هناك هواتف في نفس الفئه وبفرق قليل جدا وتتفوق علي هذا الهاتف والأداء الرسومي مش أفضل حاجه بالنسبه لباقي المنافسين و موبايل poco m3 بيشغل إعدادات ببجي وكول أوف ديوتي علي إعدادات متوسطه.

الصوت والبصمه والشبكات

الموبايل يأتي ببصمه من الجانب هي بصمه مش سريعه ومش بطيئه بالنسبه لباقي المنافسين هي متوسطه وال face unlock برده مش أحسن حاجه.
الموبايل يأتي مع كل المستشعرات الiR Blaster بس مفيهوش nfs وموبايل poco m3 فيه ميزه بتميزه عن باقي المنافسين في نفس الفئه السعريه وهي إن سماعة الموبايل stereo الصوت بيطلع من السماعتين هو أه سماعة الموبايل stereo بس مينفعش تتقارن مع سماعات stereo من موبايلات أغلي بس مازالت ميزه لأن ما فيش موبايل تحت 3000 جنيه فيه سماعه stereo الشبكه في الموبايل متوسطه وشبكة ال Wi-Fi أيضا متوسطه بالنسبه لباقي الموبايلات في الفئه الإقتصاديه وعليك تركب شريحتين اتصال 4g مع كارت ميموري يصل إلي 512 جيجا بايت.

البطاريه

الهاتف يأتي ببطاريه عملاقه بحجم 6000 مللي أمبير البطاريه مبتخلصش ممكن تقعد معاك أكتر من 14 ساعه شاشه مفتوحه ولو ألعاب الموبايل هيفضل شغال أكتر من 10 ساعات وموبايل poco m3 يأتي مع الموبايل شاحن USB type c وبقوة 22 وات بس الموبايل بيشحن ب 18 وات بس لأن الموبايل مبيدعمش أكتر من 18 وات والموبايل بيخلص شحن بالكامل في ساعتين وربع،الوقت كويس بالنسبه للبطاريه العملاقه اللي بتيجي مع الموبايل، والموبايل بيتشحن 90% في ساعه ونص بس لأن لأخر 10% بياخدوا وقت طويل في الشحن.

الكاميرات

الموبايل يأتي بثلاث كاميرات خلفيه تأتي الكاميرا الأساسيه بجودة 48 ميجا بيكسل وفتحة عدسه f/1.8 والكاميرا التانيه ماكرو بجودة 2 ميجا بيكسل والتالته للعزل بجودة 2 ميجا بيكسل والسلفي 8 ميجا بيكسل بفتحة عدسه F/2.1 وبإمكانك تحميل جوجل كاميرا بما إن الموبايل بمعالج سناب دراجون،والرؤيه الليليه في الموبايل سيئه جدا فلازم تعدل عليها بجوجل كاميرا عشان تطلع حلوه.

سعر موبايل Poco m3

النسخه 64 جيجا بايت و4جيجا رام بسعر 2600 جنيه.

النسخه 128 جيجا بايت و 4 جيجا رام بسعر 2800 جنيه.

الموبايلات البديله 

شاومي نوت 8 وشاومي9

إمكانيات الهاتف

الاسم:poco m3

البطارية: 6000 مللي أمبير

الشاشه: 6.53 بوصة بدقة FHD+ بها نوتش صغير

المعالج: ثماني النواة Snapdragon 662 تكنولوجيا 11 نانو

السعر 170،،185$

الكاميرا: خلفية ثلاثية48+2+2 م.ب. / اماميه:8 م.ب.

نظام التشغيل: أندرويد 10.0

الشبكات:2G / 3G / 4G

التحزين 128،،64GB

الرام 4

عدد الميموري 1

عدد الخطوط:2

 

نتمني أن نكون أفدناكم ولرؤية مراجعات أخره ومعرفة جميع الأخبار التقنيه تابعو موقعنا ايجي تك Egy tech